Շախմատի օլիմպիադայի մարզային փուլ (հաղթանակ)

2018թ-ի նոյեմբերի 1-ին Մասիսի տարածաշրջանում կայացած դպրոցականների շախմատի 13-րդ օլիմպիադայի տարածքային փուլին մասնակցել են 30 թիմեր (120 աշակերտ): Շախմատի օլիմպիադայի կանոնակարգի համաձայն՝ թիմերի կազմում ընդգրկված են եղել մինչև 14 տարեկան դպրոցականներ: Այն անցկացվել է թիմային հաշվարկով, ընդ որում թիմը բաղկացած է եղել 4 աշակերտից, որոնցից առնվազն 1-ը՝ աղջիկ: Հետաքրքիր և անզիջում պայքարն ամփոփվել է Մասիս քաղաքի N3 հիմնական դպրոցի թիմի հաղթանակով (առաջին հորիզոնական): Շախմատի օլիմպիադայի մարզային արդյունքներն ամփոփեց մրցավար Միքայել Մարտիրոսյանը, որը շնորհավորեց հաղթող թիմին և հավելեց, որ Մասիսի N3 հիմնական դպրոցը իրավունք է նվաճել մասնակցելու կայանալիք մարզային փուլին:
Ներկաներին ուղղված խոսքում Արարատի մարզպետարանի կրթության, մշակույթի և սպորտի վարչության կրթության բաժնի աշխատակից, մրցաշարի տնօրեն (կոորդինատոր) Ալբերտ Պետրոսյանը բոլոր մասնակիցներին շնորհավորեց:
Հիշեցնենք. մարզային փուլին ներկայացված թիմի մասնակիցներն են՝ Գրիգորյան Ալենը, Պողոսյան Ալենը, Հովհաննիսյան Հայկը և Եսայան Վիոլետան:
Հաջողություն մաղթենք մարզային փուլ անցած մեր աշակերտներին:

Գրքի տոն

Կա Մեծարենց, կա Տերյան և բազում այլ պոետներ կան, բայց Թումանյանն է անհաս Արարատը մեր նոր քերթության:
Եվ բնավ էլ պատահական չէ ,որ փետրվարի 19-ը զարդարվում է ոչ միայն մեր հանճար Թումանյանի ծննդով, այլ նաև միմյանց գիրք նվիրելու ավանդույթով:
Գիրք նվիրելու տոնը բազմախորհուրդ է,այն հիշեցնում է մեզ, որ պետք է ճանաչենք գրքի արժեքը, ընթերցենք,նվիրենք միմյանց գրքեր ու արթուն պահենք մեր մեջ ընթերցողին:
Մասիս քաղաքի հ3 հիմնական դպրոցում այսօր` փետրվարի 19-ին,նշվեց գիրք նվիրելու օրը: Դպրոցի նախասրահում տարրական օղակի և ԱԽ-ի միահամուռ ուժերով ստեղծվել էր գրքերի պուրակ ,  որը զարդարված էր նկարազարդ գրքերով: Յուրաքանչյուր դասարան օրվա տոնի հետ կապված իր գիրքը նվիրեց հարազատ դպրոցին` հարստացնելով դպրոցի գրադարանը:
Ներկաներին շնորհավորեց և իր ողջույնի խոսքը ուղղեց դպրոցի տնօրեն Է.Մուրադյանը և հավելեց , որ գիրքը մարդկային ոգու ամենամաքուր էությունն է:

Ամանորյա հրաշքները սկսվում են

Ամանորը հրաշալի տոն է, որը կապված է գալիք տարվա լավագույն հույսերի և ցանկությունների իրականացման հետ: Այն կախարդական է, խորհրդավոր, զարմանալի, անկրկնելի ու հմայիչ… մարդիկ սպասում են հերթական հրաշքի, մի լուսավոր հեքիաթի, նոր երջանկության…
Մասիս քաղաքի հ3 հիմնական դպրոցում դեկտեմբերի 13-ին հանդիսավոր կերպով վառվեցին տոնածառի լույսերը: Ողջ դպրոցում տիրում էր հեքիաթային և տոնական մթնոլորտ: Բոլոր դասասենյակները և սրահները զարդարված էին գեղեցիկ ամանորյա զարդարանքներով, իսկ նախասրահի պատուհանները աշակերտների շնորհիվ պատկերված էին՝ Ամանորը պատկերող գեղեցիկ և գունեղ նկարներով:
Ամանորյա մեկնարկն սկսվեց կիթառի մեղմ հնչյունների ներքո, հնչեց ուրախ ու տոնական երգը: Ուսուցիչների և աշակերտների հետ հաշվարկմամբ մեկնարկվեց տոնածառի խաղալիքների և լույսերի վառման արարողությունը, որը շնորհվեց դպրոցի տնօրեն Է. Մուրադյանին,ով մաղթեց,որ գալիք 2018 թվականը լինի նոր ձեռքբերումների և խաղաղության տարի, իսկ հ3 հիմնական դպրոցին մաղթեց անհուն բերկրանքի, սիրո ակնթարթների,գեղեցկության և հաջողության տարի:

Շնորհավոր տոնդ Սիրելի Ուսուցիչ

Սիրելի՛ ուսուցիչներ,
Ընդունեք մեր ջերմ շնորհավորանքներն ու լավագույն ցանկությունները մասնագիտական տոնի` ուսուցչի օրվա կապակցությամբ:
Մեծ է Ձեր վաստակը սերունդների կրթության ու դաստիարակության պատասխանատու գործում և դա է պատճառը նաև, որ յուրաքանչյուր հայի համար ուսուցիչ և ծնող բառերը նույնացվում են: Լինելով ազգային արժեհամակարգի ձևավորողը` Դուք միաժամանակ դառնում եք տվյալ համակարգի կարևոր հիմնասյունը և, անկախ տարիքից, սոցիալական, հասարակական դիրքից ու կարգավիճակից, Ձեր ներկայությամբ բոլորն իրենց զգում են որպես աշակերտ:
Մեկ անգամ ևս շնորհավորելով մասնագիտական տոնի` ուսուցչի օրվա կապակցությամբ, մաղթում եմ բոլորիդ նորանոր հաջողություններ այս պատասխանատու և կարևոր գործում:

Շնորհավոր հունիսի 1

Բարև երեխաների պաշտպանության միջազգային օր….. Թող աշխարհի բոլոր մանուկները մեծանան ընտանիքներում, ստանան ծնողների ջերմությունն ու սերը, և իրենց վառ աչուկներով լուսավորեն մեր մոլորակը……ամեն օր ավելի ու ավելի ամուր կանգնեն հողի վրա և դառնան ապագայի լուսավոր կերտողներ…

 

Վերջին զանգ… ու նոր սկիզբ.

Սիրելի շրջանավարտներ, շնորհավորում եմ այս գեղեցիկ ու անմոռանալի օրվա առթիվ: Ցանկանում եմ, որ վերջին զանգի ղողանջները լինեն այն նոր ու բաղձալի հաջողությունների սկիզբը, որոնց դուք նպատակադրել եք հասնել ապագայում: Ցանկանում եմ, որ նոր կյանքի քննությունները միշտ հանձնեք բարեհաջող ու նոր կյանքի ճանապարհին լենեք երջանիկ ու հաջողակ ճամփորդներ:
Թող Ձեր նոր կյանքում Ձեզ շրջապատեն հաջողությունն ու երջանկությունը, հաստատակամ քայլերով ընթանաք առաջ դեպի Ձեր նպատակների իրականացում…

Մասիսի տարածաշրջանի ՈՒՀԱ-ի առաջնության հերթական խաղ և հաղթանակ

Այսօր տեղի ունեցավ Մասիսի տարածաշրջանի ՈՒՀԱ-ի առաջնության հերթական խաղը:
Շնորհավորում ենք հաջորդ փուլ անցած Մասիս քաղաքի N3 հիմնական դպրոցի 《RԷՎՈԼՅՈՒՑԻԱ》թիմին, մաղթում հաջողություն հետագա խաղերում և հաղթանակ:

 

 

 

 

Սիրելի՜ կանայք և աղջիկներ, ջերմորեն շնորհավորում եմ Ձեզ

Ասում են թե կինն ու գարունը չեն տարբերվում միմյանցից: Գարունը հենց կինն է ` միշտ ծաղկող, կինն էլ իր էությամբ գարուն է որ կա` հանելուկներով և անակնկալներով լի… Շնորհավորում եմ տոնդ, ցանկանում եմ ծաղկող գարուններ և անսպառ ժպիտներ:

Հասարակություն առանց բռնության սեմինար

Մասիս քաղաքի հ3 հիմնական դպրոցի աշխատողներ Ն. Աբաղյանը և Լ. Սողոմոնյանը 2018թ-ի ապրիլի 7-8-ը մասնակցել են <<Հասարակություն առանց բռնության>> հասարակական կազմակերպության կողմից կազմակերպված <<Կանանց և տղամարդկանց իրավահավասարություն>> թեմայով կարողությունների զարգացման դասընթացին և ստացել համապատասխան վկայականներ:
Թեմայի հիմքում ֆեմինիստական փիլիսոփայությունն է, հարգանքը գենդերային հավասարության, մարդու իրավունքների նկատմամբ և պայքարը հանուն ժողովրդավարության: Գենդերային կրթության հարցում մեծ է լինելու ուսուցչական կազմի, հատկապես դասղեկների դերը։
Դասընթացի տեսլականն է առանց բռնության քաղաքացիական հասարակություն ունենալը, իսկ մեր առաքելությունը՝ մարդու իրավունքների պաշտպանության ոլորտում կրթել իրավահավասար սովորողներ:

Տեառնընդառաջ

Տեառնընդառաջի տոնը Հայ Առաքելական եկեղեցին համարում է տերունական տոն, քանի որ այն քառասուն օրական Հիսուսին տաճար բերելու հիշատակությունն է: Տեառնընդառաջ նշանակում է Տիրոջն ընդառաջ գնալ կամ Տիրոջն ընդառաջ դուրս գալ: Ժողովրդի մեջ օգտագործելի են նաև տոնի «Տերնդեզ» կամ «Տրնդեզ» անվանումները:
Մասիս քաղաքի հ3 հիմնական դպրոցում արդեն ավանդույթ է դարձել Տեառնընդառաջ տոնի կազմակերպումը: Օրվա խորհրդի հետ կապված յուրաքանչյուր դասարան ինքնատիպ և յուրովի էր պատրաստվել:
Մինչ խարույկի շուրջը պտտվելը` ԱԽ-ի նախագահը ներկայացրեց տոնի խորհուրդը: Արարողությունը սկսվեց տերունական աղոթքով,որից հետո դպրոցի տնօրեն Է. Մուրադյանը շնորհավորեց բոլորին և մաղթեց հաճելի և հիշարժան օր: Երգ ու պարի,դհոլ ու զուռնայի ներքո աշակերտները պտտվեցին կրակի շուրջը` գիտակցելով տոնի խորհուրդը: